Tiroidektomiya

Tiroidektomiya
Thyroid surgery
XBT-9	ICD9proc
MeSH	D013965
Vikianbarda əlaqəli mediafayllar

Tiroidektomiya — qalxanabənzər vəzin tam və ya bir hissəsinin cərrahi yolla çıxarılmasını əhatə edən əməliyyat. Ümumi cərrahiyyədə endokrin və ya baş və boyun cərrahları xəstədə qalxanabənzər vəzi xərçəngi və ya digər qalxanabənzər vəzi xəstəliyi (məsələn, hipertiroidizm) və ya zob olduqda çox vaxt tiroidektomiya edirlər.

Cərrahiyyə üçün digər göstərişlər arasında kosmetik (qalxanabənzər vəzin çox böyüməsi) və ya simptomatik obstruksiya (udma və ya nəfəs almada çətinlik) daxildir.

Tiroidektomiya bir sıra fəsadlar və ya ağırlaşma ilə nəticələnən ümumi cərrahi əməliyyatdır: səsin müvəqqəti və ya daimi dəyişməsi, müvəqqəti və ya daimi kalsiumun aşağı olması, ömür boyu qalxanabənzər vəzi hormonunun müalicəsi ehtiyacı, qanaxma, infeksiya və tənəffüs yollarının tıxanma ehtimalı. Prosedur təcrübəli cərrah tərəfindən həyata keçirildikdə, ağırlaşmalar nadir halda olur.

Qalxanabənzər vəzi tiroksin (T4), triiodotironin (T3) və kalsitonin kimi bir neçə hormon istehsal edir.